ایران ده سیل سببلی 7 کیشی حیاتی نی یوقاتدی

هرمزگان ولایتی نینگ پارسیان تومنی ده ینه 5 کیشی نینگ جان بیریشی آرتیدن ایران نینگ جنوبی منطقه لریده سیل سببلی حیاتی نی یوقاتگن لرنینگ سانی 7 نفر گه ییتدی. 

ایران یریم رسمی تسنیم خبر آژانسی تامانیدن بیریلگن خبر گه کوره, ایران نینگ جنوبی ده گی خوزستان, اصفهان, بوشهر, فارس, یزد و هرمزگان ولایت لریده یاغگن یامغور سیل کیلیشی گه سبب بولگن. 

قیدیرو- قوتقرو فعالیت لری نینگ دوام ایتیاتگن لیگی بیلدیریلرایکن, اوشبو حادثه عاقبتیده هرمزگان ولایتی نینگ پارسیان اولسواللیگی ده 5 و بوشهر ولایتی نینگ دشتستان تومنیده ایسه 2 کیشی نینگ حیاتی نی یوقاتگن لیگی معلوم قیلیندی. 

بوشهر و خوزستان ولایتی نینگ مرکزی بولمیش اهواز شهر لری نینگ کوپلب منطقه لری نی سیل باسدی.