ایران نینگ مهم قومندانی امریکانینگ عملیاتی آرقه لی اولدیریلدی

ایران انقلاب محافظلری اردوسی نینگ قدس کوچی قومندانی جنرال قاسم سلیمانی عراق نینگ پایتختی بغدادده امریکانینگ عملیاتی آرقه لی اولدیریلدی.

امریکا قوشمه ایالتلری مدافعه وزیرلیگی (پینتاگون) دن بیریلگن یازمه بیاناتده، یوزلب کیشی امریکالیک نینگ اولیشیدن و سونگی اوله راق امریکا قوشمه ایالتلری بغداد بویوک ایلچی لیگیده گی واقعه لردن مسؤل توتیلگن ایران نینگ مهم قومندانلریدن قاسم سلیمانی نینگ اولدیریلگن لیگی بیلدیریلدی.

مذکور بیاناتده، سلیمانی نی نشان آلگن راکت نینگ دولت باشلیغی دانلد ترامپ نینگ بویروغی بیلن آتیلگن لیگی افاده ایتیلدی.

"سلیمانی نینگ عراق و امریکا وطنداشلری نینگ اولیشی و یره لنیشی گه سبب بولگن 27 دسامبرده گی هجوم داخل بیر نیچه آیدن بیری اویوشتیریله یاتگن هجوملرگه قولی بار ایدی. جنرال سلیمانی بو هفته امریکا قوشمه ایالتلری نینگ بغدادده گی بویوک ایلچیلیگی گه قره ته اویوشتیریلگن هجوملرنی تایید ایتگن کیشی ایدی. بو هجوم ایران نینگ کیلجکده گی هجوملری اوچون آگاهلنتیروو اوله راق اویوشتیریلدی" دیب افاده ایتیلگن.

عراقلیک یوقاری مرتبه لی مقاملر ایسه هجوم عاقبتیده سلیمانیدن تشقری شیعه ملیشه گروهی حشدی شعبی قومندانی نینگ اورینباسری مهدی المهندس و بو گروه نینگ قونلغه تشریفات مسؤلی محمد رضا داخل ینه 7 کیشی نینگ اولگنینی بیلدیردی.

امریکا قوشمه ایالتلری دولت باشلیغی دانلد ترامپ ایسه، پینتاگون نینگ بیاناتی نینگ آرتیدن ایسه تویتر آرقه لی امریکا قوشمه ایالتلری نینگ بیراغینی نشر قیلدی.