ایران انتقام آله دیگن لیگی نی بیلدیردی
ایران نینگ قدس کوچی قوماندانی بغداد ده اولدیریلدی
ایران انقلاب محافظ لری اردوسی گه باغلیق قدس کوچی قوماندانی جنرال قاسم سلیمانی نینگ عراق پایتختی بغداد ده امریکا قوشمه ایالتلری نینگ راکتی هجومی عاقبتیده اولگن لیگی گه قرشی تهران رهبریتی قتتیق عکس العمل کورستدی.
اوچ کون لیک ملی عزا اعلان قیلگن دینی رهبر علی خامنه ای, "مجرم لر نی اچچیق بیر انتقام کوتماقده" دییه قید ایتدی.
خامنه ای, اوز سوز لری نی, "سلیمانی نینگ اولدیریلگن لیگی, امریکا قوشمه ایالتلری و اسرائیل گه قرشی مقاومت نی ینه ده آرتیره دی" شکلیده دوام ایتتیردی.
ایران جمهوررئیسی حسن روحانی, "ایران ملتی و منطقه ده گی ایرکین لیککه طرفدار باشقه اولکه لر البته که بونینگ انتقامی نی آله دی" دییه قید ایتدی.
تشقی ایش لر وزیری جواد ظریف, سلیمانی نینگ اولدیریلگن لیگی نینگ جوده هم یمان بیر حرکت دن عبارت بولگن لیگی نی بیلدیررایکن, احتمالی نتیجه لری بوییچه امریکا قوشمه ایالتلری نینگ مسئول ایکن لیگی نی معلوم قیلدی.
ایران لیک جنرال نینگ اولدیریلیشی نینگ جوده یمان و احمقانه بیر حرکت دن عبارت بولگن لیگی نی بیلدیرگن ظریف, "امریکا قوشمه ایالتلری, قراقچی لر سنگری قیلیاتگن حرکت لری بوییچه مسئول بوله دی" دییه قید ایتدی.
مدافعه وزیری امیر خاتمی, "اوشبو هجوم نینگ جوابی قتتیق بیر شکلده بیریله دی" دیدی.
ایران انقلاب محافظ لری اردوسی نینگ قوماندان لری دن بیری بولگن محسن رضایی هم, امریکا قوشمه ایالتلری تامانیدن اویوشتیریلگن هجوم عاقبیتده جان بیرگن قدس کوچی قوماندانی قاسم سلیمانی نینگ انتقامی نی آله دیگن لیک لری نی بیلدیردی.
علاقه لی ینگی لیکلر
ایران ده حیاتینی یوقاتگنلر سانی ۴۹ گه ییتدی
ایران نینگ شرقیده جایلشگن جنوبی خراسان ولایتیدهگی کومیر کانیده پارتلش یوز بیرگندی