ایران بیلن ارتباطی بولگن اداره لر و کیشی لر ترورچی لر لستی گه کیریتیلدی

امریکا قوشمه ایالت لری بیلن سعودی عربستان نینگ تینگ باشلیق بولگن کورفز اولکه لری دن تشکیل تاپگن تروریزم نینگ مالی ایش لری نی هدف آلیش مرکزی, ایران انقلاب محافظ لری و لبنان ده گی حزب الله نینگ ترورچیلیک فعالیت لری نی قوللب- قُوَتله گن لیگی سببلی 21 اداره و بانک دن تشقری 4 کیشی نی هم ترورچی لر لستی گه کیریتدی. 

سعودی عربستان نینگ العربیه تلویزیونی اوشبو اداره و کیشی لرنینگ برچه سرمایه سی نینگ تونگنه تیله دیگن لیگی و خوددی شوو تامان لر بیلن تجارت نینگ ممنوع قیلینه دیگن لیگی نی بیلدیردی. 

العربیه تلویزیونی ترورچی لر لستی گه کیریتیلگن اداره لر و کیشی لرنینگ بعضی لری نینگ, ایران انقلاب محافظ لری گه باغلیق کوچ لر "بسیج", "بسیج یاردم له شیش اداره سی", "مهر بانک" و "ملت بانک" بیلن عراق ده توغیلگن انقلاب محافظ لری, بیت المقدس کوچی و حزب الله بیلن ارتباطی بولگن شبل محسن الزیدی و حزب الله بیلن تماس گه ایگه لبنان ده توغیلگن یوسف هاشم و کویت ده توغیلگن محمد عبدالهادی فرهاد دن عبارت ایکن لیگی نی معلوم قیلدی.

امریکا قوشمه ایالتلری, سعودی عربستان, بحرین, کویت, عمان, قطر و بیرلشگن عرب امیرلیک لری نینگ اعضا بولگن تروریزم نینگ مالی ایش لری نی هدف آلیش مرکزی 2017 – ییل می آییده قوریلگن ایدی. 

اوشبو قرار خوددی شوو مرکز نینگ قوریلگن کون دن بیری آلگن تورتینچی قراری دن عبارت.