ایران ایککی کیمه نی اوشلب قولگه آلدی

ایران کوچلری بصره کورفزی قیرغاغیده بوشهر بندری گه یقین جایده قاچاق مال تشیگن لیگی بیلن عیبلب ایککی کیمه نی اوشلب آلدی و 7 کیشینی نظارت گه آلدی.

ایران نینگ یریم رسمی خبر آژانسی بولمیش تسنیم گه بیانات بیرگن بوشهر ولایتی قومندانی ولی الله رضائی نجاد،

"قاچاق چیلیک که کوره ش دایره سیده دینگیزچیلر قاچاق مال تشیگن لیگینی تثیت ایتیب ایککی کیمه نی بو شهر بندریگه یقین جایده قولگه آلدی" دیدی.

مذکور کیمه لرنینگ ایچیده موتر طیری، موتر پرژه جاتی و اوی اسبابلری کبی انچه قاچاق مال تثبیت ایتیب آلینگن لیگینی معلوم قیلگن رضائی نجاد، کیمه ده گی 7 کیشی نینگ نظارت گه تشلنگن لیگینی بیلدیردی.

رضائی نجاد، متخصص لرنینگ کیمه لرده گی قاچاق ماللرنینگ بازارده گی ارزشی نینگ 100 ملیارد ریال (2 میلیون لیره دن آرتیقراق) تثبیت ایتگن لیکلرینی افاده ایتدی.

ایران توناون هم بصره کورفزیده قاچاق قاچاق نفت تشیگن لیگی بیلن عیبلب بیر عدد عراق کیمه سینی قولگه آلگن لیگینی بیلریرگن ایدی.

عراق نفت وزیرلیگی ایسه قولگه آلینگن کیمه نینگ بغداد مسؤللریگه عاید ایکن دیب ایتیلگن ادعارنی ناتوغری ایکن لیگینی بیان ایتگن ایدی.