زلمی خلیلزاد تینچلیک مذاکره لری اوچون اوزبیکستان گه سفر قیله دی

امریکا قوشمه ایالتلری نینگ افغانستان بوییچه خاص نماینده سی زلمی خلیلزاد, طالبان بیلن افغانستان رسمی لری اورته سیده تینچلیک مذاکره لری نینگ باشله تیلیشی اوچون آلتینچی مرته چیت ایللرگه سفر قیله باشله دی. 

اجتماعی ترماق لر آرقه لی بیرگن بیاناتیده, ایلک نوبتده انگلستان گه سفر قیلگن لیگی نی بیلدیرگن خلیلزاد نینگ, کیین ایسه اوشبو دایره ده افغانستان, بیلجیم, اوزبیکستان, پاکستان, اردن و قطر کبی اولکه لر گه سفر قیله دیگن لیگی بیلدیریلدی.

خلیلزاد, آلدین بیرگن بیاناتلریده, قطرده طالبان بیلن بولیب اوتگن مذاکره لری دایره سیده افغانستان دن خارجی کوچ لرنینگ چیقیشی و افغانستان ده هیچ قنده ی بیر تهدید نینگ قالمس لیگی بوییچه کیلیشیلیب آلینگن لیگی نی بیلدیرگن ایدی.

آلدین هم افغانستان حکومتی طالبان گروهی بیلن تینچلیک مذاکره لری نی باشله تیش اوچون اورنه شیب کوردی.  لیکن اوشبو سعی و حرکت لر هیچ قنده ی نتیجه بیرمه دی.