حسن روحانی جواد ظریف نینگ استعفاسی نی قبول قیلمه دی

ایران جمهوررئیسی حسن روحانی, تشقی ایشلر وزیری محمد جواد ظریف نینگ استعفاسی نی قبول قیلمه دی. 

تشقی ایشلر وزیرلیگی سوزچیسی بهرام قاسمی, جمهوررئیس روحانی نینگ محمد جواد ظریف نینگ استعفاسی نی قبول قیلمه گن لیگی نی معلوم قیلدی. 

قاسمی, تشقی ایشلر وزیرلیگی سایتی آرقه لی بیرگن بیاناتیده, ظریف نینگ استعفاسی نینگ روحانی تامانیدن قبول قیلینمه گن لیگی نینگ جمهوررئیس لیک دفتری طرفیدن هم معلوم قیلینگن لیگی نی بیلدیردی. 

ایران جمهوررئیس لیک دفتری نینگ باشلیغی محمود واعظی, آلدین بیرگن بیاناتلریده, روحانی نینگ, استعفا گه قرار قیلگن تشقی ایشلر وزیری محمد جواد ظریف نینگ وظیفه سی نینگ دوام ایتیشی نی طلب قیلگن لیگی نی بیلدیررایکن, "داکتر روحانی جهتی دن ایران نینگ بیرته گینه تشقی سیاستی و بیرته گینه تشقی ایشلر وزیری بار" دییه قید ایتگن ایدی.