ایرانده سوو معما سی بیر کیشی نینگ جان بیریشی گه سبب بولدی
فارس ولایتی کازرون شهریده پولیس بیلن قشلاق یشاوچی لری اورته سیده توقنه شوو یوز بیردی
ایران نینگ فارس ولایتی کازرون شهری گه باغلیق قشلاق لرده سوو معما سی سببلی قشلاق یشاوچیلری بیلن پولیس اورته سیده یوز بیرگن توقنه شوو عاقبتیده بیر کیشی هلاکت گه اوچره دی.
ایران نینگ رسمی خبر آژانسی ایرنا بیلن مصاحبه قیلگن کازرون امنیه قوماندانی محمد عبادی نژاد, کازرون نینگ چیککه حدود لریده شاپور دریاسی دن سیار پمپ لر بیلن سوو آلیاتگن قشلاق یشاوچی لری بیلن پولیس اورته سیده یوز بیرگن توقنه شوو لر نتیجه سیده 1 کیشی نینگ هلاک بولگن لیگی نی بیلدیردی.
ناقانونی روشده دریادن سوو آلیاتگن کیشی لر گه مانع بولیش گه حرکت قیلگن پولیس لر گه قرشی قشلاق یشاوچی لری نینگ تاش آتیب مقاومت کورستگن لیگی نی بیلدیرگن عبادی نژاد, حادثه عاقبتیده ایریم پولیس لرنینگ هم یره لنگن لیگی نی معلوم قیلدی.
علاقه لی ینگی لیکلر
باشلریدن بیریکیب توغیلگن پاکستانلیک ایگیزهکلر عملیات آرقه لی اجره تیلدی
باشلریدن بیریکیب توغیلگن اوشبو ایگیزه کلر پاکستاندن آلیب کیلیریلدی و انقره ده عملیات قیلیندی