هندوستان بیلن پاکستان اورته سیده توقنه شوو یوز بیردی

هندوستان بیلن پاکستان عسکرلری اورته سیده کشمیر کمربندیده یوز بیرگن توقنه شووده 4 نفر هندوستان لیک عسکر، ایککی کیشی پاکستان لیک تینچ اهالی توپلم 6 نفر جان بیردی.

پاکستان اردوسیدن بیریلگن بیاناتگه کوره، هندوستان عسکرلری تامانیدن کنترول نقطه سیده گی آزاد کشمیرنینگ نیزه پیر منطقه سیگه قره ته فیر قیلیگن. خودی شو فیر نتیجه سیده 2 کیشی تینچ اهالی اولیب 6 نفر یره لنگن. اوشبو بیاناتده، پاکستان لیک عسکرلرنینگ مقابله قیلیب جواب بیرگن لیکلری بیلدیریلدی.

هندوستان اردوسی هم مذکور توقنه شووده 4 نفر عسکری نینگ اولگنینی 2 کیشی عسکرنینگ یره لنگنینی معلوم قیلدی.

هندوستان بیلن پاکستان اورته سیده حدود منطقه سیده توقنه شوولر یوز بیریب بارماقده.

پاکستان تشقی ایشلر وزیرلیگیدن بیریلگن بیاناتده، جنوری آیی نینگ 1 – کونیدن بیری هندوستان نینگ چیگره حدودیده 100 دن آرتیق آتش کیس اخلالی قیلگنینی و بو هجوملرده کوپراغی تینچ اهالی 2 نفرنینگ جان بیرگنینی اعلان قیلگن ایدی. هندوستان تامانی ایسه میلادی ینگی ییلدن بیری حدودده یوز بیرگن توقنه شوولرده هندوستانلیک 15 کیشی نینگ اولگنینی بیلدیرگن ایدی.

پاکستان بیلن هندوستان اورته سیده گی توقنه شوولرگه مانع بولیش اوچون 2003 – ییلی آتش کیس امضالنگن ایدی. لیکن بو آتش کیس کوپ مرته اخلال قیلیندی.