جمهوررئیسی غنی پاکستان باش وزیری بیلن اوچره شیش نی رد ایتدی

افغانستان جمهوررئیسی محمد اشرف غنی, بوگون پاکستان باش وزیری شاهد خاقان عباسی بیلن تلفن آرقه لی اوچره شیش نی رد ایتدی.

شونده ی قیلیب اوشبو اوچره شوو اورنیگه ایچکی ایشلر وزیری نی اسلام آباد گه یوباردی. 

افغانستان هیئتی کابلده اویوشتیریلگن و یوزلب کیشی نینگ جان بیریشی و یره له نیشی گه سبب بولگن تروریستیک هجومده پاکستان طالبانی نینگ قولی بولگن لیگی توغری سیده دلیل لر نی پاکستان قوراللی کوچلری قوماندانی جنرال بجوا و آی اس آی باشلیغی نوید مختار گه بیلدیره دی. 

آلینگن معلوماتلرگه کوره, پاکستان باش وزیری شاهد خاقان عباسی, کابلده اویوشتیریلگن هجوم لر سببلی جمهوررئیسی محمد اشرف غنی بیلن تلفن آرقه لی صحبت ایتیب اونگه تسلیت بیلدیریش نی طلب ایتگن. 

بیراق جمهوررئیسی غنی عباسی نینگ اوشبو طلبی نی رد قیلگن. 

افغانستان حکومتی, اوشبو هجوم بوییچه مرکزی پاکستانده بولگن حقانی شبکه سی نی عیبله ماقده.