اوزبیکستان جمهور رئیسی رسمی بیر سفر آرقه لی چین گه باره دی
اوزبیکستان جمهوریتی جمهور رئیسی شوکت میرضیایف 2017-ییل نینگ 14-15-می کونلری پکن شهریده «بیر قطب، بیر یول» خلقارا ییغینیده اشتراک ایتهدی.
اوزبیکستان جمهور رئیسی رسمی بیر سفر آرقه لی چین گه باره دی
اوزبیکستان جمهوریتی جمهور رئیسی شوکت میرضیایف چین خلق جمهوریتی رئیسی سی سزینپین نینگ دعوتیگه بناءً 2017-ییل نینگ 11-13-می کونلری دولت تشریفی بیلن چینده بولهدی. بو حقده اوزبیکستان جمهوریتی جمهور رئیسی نینگ مطبوعات خدمتی معلومات ترقتدی.
اوشبو معلوماتگه کوره جمهور رئیس میرضیایف چینده اینگ اوّلا دولت رئیسی سی سزینپین، دولت کینگشی باش وزیری لی کیتسیان، خلق وکیللری عمومی چین مجلسی دایمي کمیتهسی رئیسی چجان دیتسزیان و باشقه رهبرلر بیلن اوچرهشوو اوتکزه دی. اوچرهشووده، اوزارا مناسبتلر نینگ بوگونگی حالتی و استقباللری، اوزبیکستان و چین اورتهسیدهگی اوزاق مدتلی همکارلیکنی مستحکم لش و ایزچیل رواجلنتیریش نینگ اوستوار یونهلیشلری محاکمه ایتیلهدی. تامانلر منطقوي و خلقارا مسألهلر یوزهسیدن هم فکر المشهدی.
شونینگدیک سفر چوکاتیده شوکت میرضیایف نینگ چین نینگ بویوک کمپنیسی و شرکت وکیللری بیلن اوچرهشووی ریجهلشتیریلگن بولیب، اونده اوزبیکستانده زمانوي تکنالوژيلرنی جلب ایتگن حالده اوزارا فایدهلی قوشمه لایحهلرنی عملگه آشیریش امکانیتلری کوریب چیقیلهدی.
عالي درجهدهگی مذاکرهلر یکونیده قوشمه بیانات نینگ قبول قیلینیشی، اوزبیکستان – چین اورتهسیده تورلی ساحهلردهگی علاقهلرنی ینه ده رواجلنتیریشگه قرهتیلگن حکومتلر ادارهلری ارا و باشقه بیر قطار کیلیشوولر نینگ امضالنیشی ریجهلشتیریلگن. سفر دایرهسیده ایکّی مملکت ایش بیلرمان دایرهلری اورتهسیده کتّه حجمدهگی سودا-اقتصادي، اقتصادی شرطنامه و بیتیملر نینگ هم امضالنیشی کوتیلماقده.
ینه منه شو معلوماتگه کوره اوزبیکستان جمهوریتی جمهور رئیسی شوکت میرضیایف 2017-ییل نینگ 14-15-می کونلری پکن شهریده، «بیر قطب، بیر یول» خلقارا فارومیده اشتراک ایتهدی.
علاقه لی ینگی لیکلر
ایران ده حیاتینی یوقاتگنلر سانی ۴۹ گه ییتدی
ایران نینگ شرقیده جایلشگن جنوبی خراسان ولایتیدهگی کومیر کانیده پارتلش یوز بیرگندی