ظهیرالدین محمد بابرگه بغشلنگن تزئینی کورگزمه بولیب اوتدی

ظهیرالدین محمد بابرگه بغشلنگن تزئینی کورگزمه بولیب اوتدی

اوزبیکستان نینگ پایتختی تاشکینت ده ظهیرالدین محمد بابرنینگ توغیلگن کونیگه بغشلنگن تزئینی صنعت کورگزمه سی بولیب اوتدی.

تدبیرده تأکییدلنگن دیک، بابر اوزی نینگ شاه اثری "بابرنامه" ده اوز دوری نینگ عرف – عادت و عنعنه لری بیلن صنعتکارلرنینگ دولت و جمعیت ترقیاتیده گی اورنی حقیده تفصیلی معلومات بیرگن.

کورگزمه ده خلق صنعتکارلیگی عنعنه لرینی دوام ایتتیره یاتگن استالر، کلال چیلیک، بخارا زر دوزلیک و ملی کییم مکتب لری نماینده لری اشتراک ایتگن لیگی بیلدیریلدی.

اوزبیک ملی کییم استاسی رسول یحیایف، "اولکه ده ایشلب چیقریله یاتگن طبیعی تکه لردن کینگ فایده لنه میز، شو سببلی محصولات لریمیز قولای، ایخچم و کیفیتلی" دیب، ایته دی. اوزبیکستان و خارجی مملکت لرده اوتکزیله دیگن کورگزمه لرده فعال قتنه شیش گه حرکت قیله میز. یقین ده هندستانده، اوزبیک ملی کییم لری و کشته چیلیک نمونه لرینی نمایش گه قویدیک. هندستان لیک متخصص لر و تدبیرکارلر محصولاتلریمیزگه کتته قیزیقیش بیلدیریب، همکارلیک علاقه لرینی یولگه قوییشنی تکلیف ایتدی، دیدی.

کورگزمه چوکاتیده مهارت درس لری تشکیل ایتیلدی. اشتراکچیلرنینگ تصویری صنعت، گنچ کارلیک و کشته دوزلیک ده اوزینی سینب کوریش امکانی گه ایگه بولگن لیگی قید ایتیلدی.

پروگرامده ظهیرالدین محمد بابر اثرلریدن پارچه لر اوقیلگن لیگی معلوم قیلیندی.