پاکستانده عالی بیلیم یورتی گه قوراللی هجوم: کمیده ایگیرمه کیشی جان بیردی

پاکستانده عالی بیلیم یورتی گه قوراللی هجوم اویشتریلدی.

اوشبو حادثه عاقبتیده کمیده ۲۰ کیشی جان بیررایکن, کوپلب کیشی ایسه یاره لندی.

پاکستان نینگ شمالغربیده گی خیبر پختونخوا ایالتی چارسده شهریده, قوراللی بیر گروپ باچا خان عالی بیلیم یورتی گه هجوم اویشتردی.

شاهد لر, جنگری لر نینگ عالی بیلیم یورتیده اوقوچیلر گه قره ته فیر قیلگن لیک لری و انفجار سیسلری نینگ کیلگن لیگی نی بیلدیردی.

پاکستان اردوسی نینگ سوزلاوچی سی, اوشبو جنگری لر بیلن خوف سیزلیک کوچلری آره سیده توقنه شوو لر نینگ باشلب کیتگن لیگی نی معلوم قیلدی.

سوزلاوچی, ۳ مینگ اوقوچی نینگ موجود بولگن اوشبو عالی بیلیم یورتیده جنگری لرنینگ قیز باله لر لیلیه سی نی هدف قیلیب آلگن لیک لری نی ایسله تیب اوتدی.

حاضرگه چه حادثه محللی دن قریب ۵۰ اوقوچی نینگ چیقاریلگن لیگی بیلدیریلرایکن, آلینگن ایلک معلوماتلر گه کوره کمیده ۲۰ کیشی نینگ جان بیرگن لیگی و اونلب کیشی نینگ ایسه یاره لنگن لیگی بیلدیریلماقده.

حادثه محللی دن چیقاریلگن کیشی لر, ۶ الی ۷ جنگری نی کورگن لیک لری نی بیلدیررایکن, اونلب اوقوچی نینگ آتیب تشلنگن لیک لرینی کورگن لیک لرینی معلوم قیلدی.

محللی منبع لر اوشبو هجومچیلرنینگ ایککی نفری نینگ اولدیریلگن لیگی نی ایسله تیب اوتدی.