اوچ نفر ایران لیق حربی جان بیردی

ایران حربی لری گه قره تیلگن قوراللی هجوم عاقبتیده ۳ نفر حربی جان بیردی.
سیستان و بلوچستان ده اویشتریلگن اوشبو قوراللی هجوم عاقبتیده جان بیرگن کیشی لرنینگ ایککی نفری نینگ منصبدار ایکن لیک لری بلدریلدی.
سیستان و بلوچستان ایران نینگ پاکستان چیگره سیده اورین آلماقده.
سیستان و بلوچستان خوف سیزلیک کوچ لری نینگ قوماندانی حسین رحیمی, زاهدان ولایتی گه باغلیق زَهَک اولسوال لیگی ده گزمه قلیب یورگن خوف سیزلیک کوچ لری گه قره ته ایککی موتر دن اوق اوزیلیشی عاقبتیده اوچ کیشی نینگ جان بیرگن لیگی نی بلدردی.
اوشبو هجوم نینگ مسئولیتی نی هیچ بیر تمان اوزی بوینی گه آلمه دی.
سیستان و بلوچستان ده آلدین هم خوف سیزلیک کوچ لری گه قره تیلگن هجوم عاقبتیده ۴ کیشی جان بیررایکن, حادثه بیلن علاقه لی تیکشیرو آلیب باریش اوچون منطقه گه کیتگن بیر هلیکوپتر نینگ هم قولب توشیشی عاقبتیده ینه ۷ کیشی جان بیرگن ایدی.
خودی منه شو هجوم لرنینگ مسئولیتی نی منطقه تروریستیک فعالیت لر آلیب باریتگن جیش العدل نامیده گی بیر تشکیلات اوز بوینی گه آلگن ایدی.
اوشبو تشکیلات هلیکوپتر نی اوریب توشیرگن لیگی نی ادعا ایتگن ایدی.
ایران, پاکستان نینگ تروریست لر گه قرشی اوز چیگره لری نی قوریه آلمیتگن لیگی نی بلدرماقده.
ایران انقلاب محافظ لری قوماندانی نینگ اورین باسری حسین سلامی, اوشبو هجوم لر آرتیدن بیرگن بیانات لری ده, "پاکستان نینگ, چیگره سی نینگ امنیتی نی تامین ایته آلمس لیگی تقدیرده, اولکه میز گه قره تیلگن تهدید لرنی برطرف ایتیش اوچون مداخله ایته میز" دییه قید ایتگن ایدی.