ایران نینگ پاکستان چیگره سی ده بحران

ایران انقلاب محافظ لری اردوسی قوماندانی نینگ اورین باسری جنرال حسین سلامی, پاکستان نینگ چیگره خوف سیزلیگی نی تامین ایته آلمس لیگی تقدیرده, اوشبو توپراق لر گه مداخله ایته دیگن لیک لری نی بلدردی.
ایران گه قره تیلگن تهدید لر گه تیگیشلی پاکستان نی تدبیر آلیش گه چقرگن سلامی, "پاکستان نینگ چیگره خوف سیزلیگی نی تامین ایته آلمس لیگی تقدیرده, اولکه میز گه قره تیلگن تهدید لرنی یوق ایتیش اوچون کیره ک لیک فعالیت لرنی عمل گه آشیره میز" دییه قید ایتدی.
منطقه بیلن علاقه لی کینگ کولملی بیر استخباراتی معلومات گه ایگه ایکن لیک لری نی بلدرگن سلامی اوز سوز لری نی, "مخالف کوچ لر حتی قوشنی اولکه لرده هم بولسه تاپیب موضوع گه تیگیشلی اجراات قیله میز" شکلی ده دوام ایتتردی.
اوتگن هفته ده سیستان و بلوچستان ایالتی نینگ بیر منطقه سیده کیم ایکن لیک لری معلوم بولمه گن ایریم کیشی لر تمانیدن اویشتریلگن هجوم عاقبتیده ایران خوف سیزلیک کوچ لری دن تورت نفر جان بیرگن ایدی.
عینی دمده اوشبو موضوع بیلن علاقه لی تحقیقات آلیب باریش اوچون منطقه گه سفر قیلگن امنیت مسئول لری نینگ طیاره سی نینگ هم قولب توشیشی عاقبتیده ۷ کیشی هلاکت گه اوچره گن ایدی.