زابل ولایتیده قودوققه توشگن باله حیاتی نی یوقاتدی
اوشبو باله 3 کون آلدین قودوققه توشگن ایدی
زابل ولایتیده 3 کون آلدین قودوققه توشگن باله حیاتی نی یوقاتدی.
طالبان رهبریتی نینگ زابل ولایتی مدنیت باشقرمه سی نینگ سرپرستی شرافت ویار, زابل نینگ جلدک منطقه سیده 3 کون آلدین قودوققه توشگن 6 یاشلی باله نینگ چیقریلگن لیگی نی معلوم قیلدی.
ویار, ساغلیق نی سقلش پرسونلی نینگ برچه سعی و حرکت لری گه قره مسدن اوشبو باله نینگ حیاتی نی یوقاتگن لیگی نی بیلدیردی.
ویار, طالبان مسئول لری نینگ, اوشبو باله نینگ ساغ قوتقریلیشی اوچون قوللریدن کیله دیگن برچه سعی و حرکت لرنی قیلگن لیک لری نی ایسله تیب اوتدی.
عینی دمده طالبان اوتکینچی حکومتی ایچکی ایش لر وزیرلیگی, اجتماعی ترماق آرقه لی بیرگن بیاناتیده, باله نینگ عایله سی و افغانستان خلقی گه تسلیت بیلدیردی.
طالبان اوتکینچی حکومتی نینگ مدافعه وزیرلیگی سرپرستی ملا محمد یعقوب مجاهد و ایچکی ایش لر وزیرلیگی باش مصلحتچیسی انس حقانی, باله نینگ قوتقریلیشی بوییچه فعالیت لرنی یقین دن کوزه تیش اوچون توناون حادثه محلی گه بارگن ایدی.
