جو بایدن افغانستانده قاره لندی

امریکا قوشمه ایالتلری تامانیدن افغانستان نینگ موزله تیلگن 7 میلیارد دالری نینگ 3.5 میلیارد دالرینی 11 سپتامبر حادثه سی قربانلری نینگ حلی گچه دوام ایتیب تورگن حقوقی جریانلری و کفالت طلبلری اوچون اجره تیلیشینی افغانستان خلقی قاره لب نمایش اوتکزدی.

پایتخت کابل، بلخ، لوگر، میدان وردک، تخار و قندهار ولایتلریده ییغیلگن مینگلب کیشی امریکا قوشمه ایالتلرینی قاره لب شعار بیردی.

مظاهره لرده افغانستان نینگ 11 سپتامبر هجوملری نینگ بیر پارچه سی ایمس ایکن لیگی تاکییدلنگن حالده ذخیره لرنینگ اولکه نینگ بانکلریگه توله نیشی طلب قیلیندی.

مظاهره چیلر "جوبایدن افغانستان خلقی گه دشمنلیک قیلیشدن قول تارتگیل"، "11 سپتامبرنینگ افغانستان خلقی بیلن علاقه سی یوق"، "امریکا قوشمه ایالتلری متفقلری بیلن بیرگه لیکده مینگلب افغانستانلیک نینگ اولیشی و افغانستان نینگ ویران بولیشی اوچون کفالت تولشی کیره ک" دیگن شعارلر بیردی.

امریکا قوشمه ایالتلری دولت باشلیغی جوبایدن قول قویگن قرارنامه بیلن افغانستان مرکز بانکی نینگ موزله تیلگن 7 میلیارد دالری نینگ ایش آلینیشی اوچون آزاد ایتیلیشینی بیراق بو پول نینگ 3.5 میلیارد دالری نینگ انسانی یاردم اساسیده توغریدن توغری افغانستان خلقی گه ییتکیزیلیشی قرارینی قبول قیلیب آلگندی.

بایدن قالگن 5.3 میلیارد دالرنی ایسه 11 سپتامبر حادثه سی قربانلری نینگ حلی گچه دوام ایتیب تورگن حقوقی جریانلری و کفالت طلبلری اوچون اجره تیلیشی بوییچه آدیم آتگندی.