افغانستان ده طبیعی آفتلر طفیلی کوپلب کیشی حیاتینی یوقاتدی
افغانستان نینگ کوپلب منطقه سیده کوچلی یامغیرلر طفیلی سوو تاشقینلری یوزبیردی
![افغانستان ده طبیعی آفتلر طفیلی کوپلب کیشی حیاتینی یوقاتدی](http://cdn.trt.net.tr/images/xlarge/rectangle/2a95/2d74/12be/64269b9a06d93.jpg?time=1722044612)
افغانستان نینگ کوپلب منطقه سیده یوزبیرگن کوچلی یامغیرلر سبب بولگن سوو تاشقینی فلاکتلریده 19 کیشی، چقماق توشیشی عاقبتیده 7 کیشی حیاتینی یوقاتدی.
غور بیلن هرات ولایتلریده کوچلی یاغینگرچیلیک سبب بولگن سیل حادثه سیده 8 کیشی حیاتینی یوقاتدی.
افغانستان ملی آفت باشقرووی تامانیدن بیریلگن بیاناتده، سیل حادثه سیده 1 مینگ 142 هکتارلیک زراعت ییری نینگ سوو باسگن لیگی و 11 مینگ 450 ته کتته حیوان نینگ تلف بولگن لیگی قید ایتیلدی.
افغانستان ملی آفت باشقرووی 189 ته اوی نینگ بوتونله ی قولب کیتگن لیگینی سیل تاثیر قالدیرگن منطقه لرده گی یاردم اورونیشلری نینگ همزمان دوام ایتگن لیگینی معلوم قیلدی.
هرات مسکونیلری ایسه، 30 اطرافیده اوی – جای نینگ بوتونله ی ییقیلیب کیتگن لیگینی بیر عایله دن 4 کیشی نینگ اولگن لیگینی بیلدیردی.
غور ولایتی گه باغلیق چهار صدا و فاریاب ولایتی گه باغلیق مرغاب منطقه لری اورته سیده گی یول نینگ یاپیلیب قالگن لیگی شونده ی بولیب 500 عایله نینگ بدرغه بولگن لیگی قید ایتیلدی.
افغانستان مهاجرلر و پناهنده لر وزیرلیگی بدرغه بولگن عایله لرنینگ تاغلرده حیات کیچیریش گه مجبور بولگن لیگینی و تیزده یاردم گه ضرورتلری بارلیگینی بیلدیردی.
وزیرلیک تلفات سانی نینگ کوپه یشیدن خواطر بیلدیردی.
ارزگان ولایتیده ایسه چقماق توشیشی عاقبتیده 7 کیشی حیاتینی یوقاتدی، 10 کیشی یره لندی.
فراه ولایتیده ایسه جدی خساره یوزبیرگن لیگی معلوم قیلیندی.
علاقه لی ینگی لیکلر
![افغانستان ده طبیعی آفت طفیلی اونلب کیشی حیاتینی یوقاتدی](http://cdn.trt.net.tr/images/medium/rectangle/9e25/eae5/806c/61441f1a00234.jpg?time=1722044612)
افغانستان ده طبیعی آفت طفیلی اونلب کیشی حیاتینی یوقاتدی
افغانستان نینگ شرقیده جایلشگن ننگرهار ولایتیده سیل و طوفان حادثه لری یوزبیرگن لیگی بیلدیریلدی