طالبان باشقرووی چیت ایلده گی موزله تیلگن ذخیره لرنینگ افغانستان خلقی گه تیگیشلی ایکن لیگینی ایتدی
ملا عبدالغنی برادر پایتخت کابلده قتنشگن بیر پروگرامده موضوع بوییچه صحبت قیلدی
افغانستانده طالبان باشقرووی چیت ایلده گی موزله تیلگن ذخیره لرنینگ افغانستان خلقی گه تیگیشلی ایکن لیگینی ایتدی.
طالبان اوتیش دوری حکومتی نینگ باش وزیر اورینباسری ملا عبدالغنی برادر پایتخت کابلده قتنشگن بیر پروگرامده قیلگن صحبتیده چیت ایلده گی موزله تیلگن ذخیره لرنینگ افغانستان حکومتی نینگ ایمس، خلقی گه تیگیشلی ایکن لیگینی ایتدی.
امریکا قوشمه ایالتلری نینگ افغانستاندن چیقیب کیتگن لیگی اوچون اوزیچه بو اولکه دن انتقام آلیش گه اورنگن لیگینی اورغوله گن برادر اقتصادی وضعیتی نینگ یمانلشیب باریشی نینگ ایریم اولکه لرگه هم سلبی تاثیر قالدیره جگینی قید ایتدی.
طالبان نینگ افغانستانده باشقروونی قولگه کیریتیب آلیشی نینگ آرتیدن اولکه گه قیلینه دیگن خلق ارا یاردملر اداغگه ییتیب بارگندی.
دنیا بانکی خلق ارا پول فندی (IMF) و امریکا قوشمه ایالتلری مرکز بانکی هم افغانستان نینگ افغانستان نینگ خلق ارا فندلرگه ایریشینی کیسیب قویگندی.
امریکا قوشمه ایالتلری باشقرووی افغانستان حکومتی نینگ امریکا بانکلریده گی ذخیره لرینی موزله تیب قویگندی.
بیرلشگن ملتلر تشکیلاتی باله لرگه یاردم فندی (یونیسیف) 8 دسامبرده افغانستانده گی انسانی وضعیت نینگ تاباره یمانلشیب بارگن لیگینی بیلدیرگندی.
بیرلشگن ملتلر تشکیلاتی نینگ راپوریگه کوره اولکه ده قیش فصلیده نفوسی نینگ یریمیدن کوپراغی گه ماس کیلگن 22،8 میلیون کیشی نینگ جدی شکلده آذیق – اوقات ییتمسلیگی بیلن دوچ قالیشینی تخمین ایتماقده.
