طالبان کابل ده ارگ نی قولگه کیریتدی

آره سیده طالبان رهبر لری نینگ هم موجود بولگن بیر گروپ ارگ ده گی افغانستان اسلام جمهوریتی بیراغی نی آلیب تشله دی.

الجزیره تلویزیونی ارگ گه کیرگن بیر گروپ طالبان نینگ تصویر لری نی ترقتدی.

طالبان نینگ کابل گه کیریشی دن قیسقه بیر مدت کیین افغانستان جمهوررئیسی محمد اشرف غنی اولکه نی ترک ایتدی.

آلدین غنی نینگ تاجیکستان گه کیتگن لیگی ادعا ایتیلدی.

کیین ایسه اوزبیکستان ده ایکن لیگی بیلدیریلدی.

غنی ایسه, اجتماعی ترماق آرقه لی بیانات بیردی.

"قالیشیم تقدیرده, بو کوپلب کیشی نینگ شهادتی و کابل نینگ ویران بولیشی گه سبب بولر ایدی" دیدی.

طالبان سوز چی لری دن بیری ایسه, افغانستان ده اشرف غنی حکومتی, اردو و پرسوئل اوچون عفو اعلان ایته دیگن لیک لری نی بیلدیردی.

کابل تیگره گیده ایریم پیت لرده فیر سیس لری نینگ ایشیتیلگن لیگی گه قره مسدن, جدی بیر توقنه شوو نینگ یوز بیرمه گن لیگی بیلدیریلماقده.

دنیا افغانستان ده گی وضعیت نی کوزه تماقده...

بیرلشگن ملت لر تشکیلاتی عمومی منشی سی آنتونیو گوترش وضعیت بوییجه خواطرده ایکن لیک لری نی بیلدیردی.

طالبان و باشقه تامان لرنی معتدل بولیش و ملکی لر نی اسره ب قالیش گه چقیردی.

باشقه بیر تاماندن ایسه بیرلشگن ملت لر تشکیلاتی خوفسیزلیک کینگشی افغانستان مسئله سی بیلن علاقه لی عاجل بیر ییغیلیش اوتکزیش گه قرار قیلدی.

طالبان نینگ کنترولی گه اوتگن کابل دن انسان لرنینگ چیقیشی هم دوام ایتماقده.

آلتمیش دن آرتیق اولکه ترقتگن اورتاق بیلدیروده, افغانستان دن چیقماقچی بولگن افغان و چیت ایللیک لر گه اجازت بیریلیشی, هوا قونلغه لری و چیگره لرنینگ آچیق بولیشی کیره ک ایکن لیگی نی بیلدیردی.

تشقی ایش لر وزیرلیگی, اولکه دن چیقماقچی بولگن تورک وطنداش لری گه چقیریق بیردی.

کابل ایلچی لیگی بیلن ارتباط قوریش لری نی طلب ایتدی.

امریکا قوشمه ایالتلری, کابل ایلچی نینگ برچه پرسونلی نینگ امنیت بیر شکلده حامد کرزی هوا قونلغه سی گه انتقال ایتتیریلگن نی بیلدیردی.

واشنگتن رهبریتی, کابل ایلچی لیگی پرسونلی نینگ چیقاریلیشی اوچون افغانستان گه آلدین یوبارگن 5 مینگ عسکر گه قوشیمچه اوله راق بیر مینگ عسکر نینگ یوباریلیشی نی تصدیق له دی.

فرانسه هم ایلچی لیگی نی هوا قونلغه سی یقینی گه انتقال ایتتیرگن لیگی نی بیلدیردی.

اوروپا بیرلیگی ایلچیلیک پرسونلی هم کابل ده امنیت بیر جای گه انتقال ایتتیریلدی.

ناتو کابل ده گی دیپلماتیک موجودیتی نینگ دوام ایتیاتگن لیگی نی بیلدیردی.

عینی دمده افغانستان نینگ کابل هوا قونلغه سیده برچه تجاری اوچیش لرنینگ معطل قیلینگن لیگی بیلدیریلدی.