طالبان گروهی ینه بیر ولایت نینگ کنترولینی قولگه کیریتیب آلدی

طالبان گروهی سونگگی 4 کونده افغانستان حکومت کوچلری نینگ قولیدن 6 ولایت مرکزی نینگ کنترولینی قولگه کیریتگن بولدی.

امریکا قوشمه ایالتلری باشچیلیگده گی ناتو کوچلری نینگ چیقیش قراری و افغانستان باشقرووی نینگ طالبان بیلن آلیب بارگن تینچلیک اوچره شوولری نینگ ناموفق بیر شکلده نتیجه لنیشی نینگ آرتیدن طالبان تامانیدن می اییده باشله تیلگن قتّیق هجوملر اوزلیکسیز دوام ایتماقده.

طالبان سونگگی 4 کونده بیرته سی اولکه نینگ جنوب – غربیده ایریملری شمال و شمال – شرقده جایلشگن توپلم 6 ولایت مرکزی نینگ کنترولینی افغانستان حکومت کوچلریدن قولگه کیریتیب آلدی.

افغانستان حکومتی 34 ولایت مرکزیدن 28 ته سینی قولگه توتیب تورگن.

طالبان گروهی قولگه کیریتگن ولایتلرده گی ایلک اجراعاتی قماقخانه لرده گی محکوملرنی آزاد ایتیش بولدی.

اولاً ایران چیگره سیده جایلشگن نیمروز ولایتی مرکزی زرنج نینگ کنترولینی قولگه کیریتیب آلگن طالبان گروهی کیین شمالده جایلشگن جوزجان نینگ مرکزی شبرغان، سرپل، قندوز بیلن بیر قطارده شمال – شرق تامانیده جایلشگن تخارنینگ مرکزی تالقان بوگون ایسه سمنگان نینگ مرکزی آی بیک نینگ کنترولینی قولگه کیریتیب آلدی.

آی بیک نینگ قولدن کیتیشی بیلن کابل – شمال ولایتلری قتناو یولی یاپیلدی.