قندوز ولایتیده پارتلش عاقبتیده ایککی باله جان بیردی

217 پامیر قول اردوسی تامانیدن بیریلگن بیاناتده, قندوز ولایتی نینگ امام صاحب تومنی "قوتر بلاق" قیشلاغیده یول چیککه سی گه جایلشتیریلگن بمب نینگ پارتلب کیتگن لیگی بیلدیریلدی. 

بیاناتده, اوشبو حادثه عاقبتیده کوچه ده اوینب یورگن ایککی باله نینگ جان بیرگن لیگی معلوم قیلیندی. 

حاضرچه اوشبو حادثه نینگ مسئولیتی نی هیچ بیر گروه اوز ذمه سیگه آلگن ایمس. 

عینی دمده بوگون ایرته لب قندهار ولایتیده بیر بمب نینگ پارتلب کیتیشی عاقبتیده 12 نفر افغانستان پولیسی یره لندی.