افغانستان ده یوز مینگلب رای قیته سَنَله دی

افغانستان سیلاو شکایت کمیسیونی نینگ باشلیغی زهره بیان شینواری, بعضی کاندید لر تامانیدن ساخته ایکن لیگی ادعا ایتیلگن 300 مینگ رای نینگ قیته سنله دیگن لیگی نی معلوم قیلدی. 

شینواری, پایتخت کابل ده ترتیب له گن مطبوعاتی کنفرانسی جریانیده, هیچ بیر کاندید نینگ حقی نینگ پایمال ایتیلمس لیگی اوچون اوشبو رای لرنینگ قیته سَنلیشی مقصدی بیلن تفتیش هیئتی نینگ قوریلیشی نی طلب ایتگن لیک لری نی معلوم قیلرایکن, رای لرنینگ تفتیش گه یوباریلگن لیگی و ایش لری نی تینیق بیر شکلده قیلیش گه انتیلیاتگن لیک لری نی ایسله تیب اوتدی. 

شینواری, اوشبو رای لر حقیده قرار قیلینیشی آرتیدن سیلاو نتیجه سی خصوصیده گی انیق قرار لری نی بیان ایته دیگن لیک لری نی بیلدیردی. 

افغانستان ده 2 اپریل ده بولیب اوتیشی ریجه لنگن جمهوررئیس لیک سیلاو لری ایککی مرته معطل قیلینیب 28 سپتامبر ده بولیب اوتگن ایدی. 

اون تورت کاندید نینگ رقابت قیلگن اوشبو سیلاو لر نینگ  19 اکتوبر ده اعلان قیلینه دیگن لیگی بیلدیریلگن ابتدایی نتیجه سی بحث موضوعی بولگن اعتراض لر سببلی 22 دسامبر ده اعلان قیلینگن ایدی. 

افغانستان مستقل سیلاو کمیسیونی نینگ باشلیغی حوا علم نورستانی موجود جمهوررئیس محمد اشرف غنی نینگ 50,64, اجرائیه رئیسی عبدالله عبدالله نینگ 39,52 و گلبدین حکمتیار نینگ ایسه 3,85 فایز رای آلگن لیگی نی بیلدیرگن ایدی.