چین ده گی افغانستان وطنداشلری خاص اوچاق آرقه لی آلیب کیلتیریله دی
بولر 14 کون گچه کابل قونلغه سی نینگ یقینیده توزیلگن بیر جایده کوزه توو آستیده آلینه دی.
افغانستان سلغلیقنی سقلش وزیری فیروزالدین فیروز، کرونا وایروس نینگ مرکزی بولمیش چین نینگ ووهان شهریده گی وطنداشلری نینگ انتقال بیریله جگینی ایتدی.
فیروز پایتخت کابلده اویوشتیرگن مطبوعاتی کنفرانسده، چین نینگ ووهان شهریده تحصیل قیلیب تورگن 41 نفر و او جایده حیات کیچیریب تورگن بیر نیچه کیشی افغانستان تبعه سی نینگ تیزده انتقال بیریله جگینی بیلدیردی.
جمهور باشلیغی نینگ بویروغی گه بناً خاص اوچاق جونه تیله جگینی قید ایتگن فیروز جنابلری، بولرنینگ کابل گه ییتیب کیلگندن کیین 14 کون گچه کابل قونلغه سی نینگ یقینیده توزیلگن بیر جایده کوزه توو آستیده آلینه جگینی افاده ایتدی.
فیروز، چین ده گی وطنداشلری نینگ کرونا وایروسی گه یولیق مه گن لیگینی هم اورغوله دی.
ینگی کرونا وایروس گه قرشی کوره ش بوییچه بعضی بیر فعالیتلر آلیب بارگن لیکلرینی تیلگه آلگن ساغلیقنی سقلش وزیری 300 یاتاقلیک بیر کسلخانه نی بو وایروس یولیققن کسللر اوچون اجره تگن لیکلرینی معلوم قیلدی.
