افغانستانده تینچلیک وزیرلیگی قوریلدی
بو وزیرلیک نینگ تینچلیک جریانی بیلن تیگیلشی دستلبکی جلسه سی پایتخت کابلده بولیب اوتدی.
افغانستان جمهور باشلیغی اشرف غنی نینگ قراری بیلن طالبان بیلن تینچ لیک اوچره شوولرینی تیزلشتیریش اوچون تینچلیک وزیرلیگی قوریلدی.
مجلسده قبول بولیب تصویب ایتیلگن وزیرلیک نینگ تینچلیک جریانی بیلن تیگیلشی دستلبکی جلسه سی پایتخت کابلده بولیب اوتدی.
تینچ وزیری اورینباسری غلام یحی عباس، بو جلسه ده قیلگن صحبتیده، وزیرلیک نینگ تینچ لیک اوچره شوولری یخشی راق آلیب باریش، برچه اداره و موسسه لرنی تینچلیک بیلن تیگیشلی مصلحت قیلیش بوییچه بیر چتری آستیده ییغیشتیریش اوچون اورونه جکلرینی بیلدیردی.
یوکسک تینچلیک کینگشی نینگ هم طالبان بیلن تینچلیک اوچره شوولری توغریسیده یاردم ایته جگینی تیلگه آلگن عباس، کینگش نینگ تینچلیک بوییچه تجربه لریدن فایده لنیشلرینی ایتدی.
عباس، طالبان بیلن تینچلیک اوچره شوولری نینگ باشله شی اوچون جدی فعالیتلر آلیب باره جکلرینی قید ایتدی.
افغانستان یوکسک تینچلیک کینگشی سابق جمهور باشلیغی حامد کرزی تامانیدن میلادی 2010 – ییلی قوریلگندی.
