فاریاب ولایتیده طالبان نینگ کتته قوماندانی اولدیریلدی
اوشبو مطلب نی افغانستان ملی مدافعه وزیرلیگی بیلدیردی
1311973
فاریاب ولایتیده اویوشتیریلگن بیر عملیات نتیجه سیده طالبان گروهی نینگ سوزده (به اصطلاح) تومن حاکمی اولدیریلدی.
افغانستان ملی مدافعه وزیرلیگی, اویوشتیریلگن هوایی عملیات نتیجه سیده طالبان گروهی نینگ سوزده المار تومنی حاکمی مولوی عبدالغفار نینگ اولدیریلگن لیگی نی بیلدیردی.
وزیرلیک تامانیدن بیریلگن بیاناتده, افغانستان هوایی کوچ لری نینگ المار تومنی خواجه گوهری قشلاغیده هوایی عملیات اویوشتیرگن لیگی بیلدیریلدی.
ملی مدافعه وزیرلیگی اوشبو عملیات نتیجه سیده ینه اوچ نفر طالبان جنگری سی نینگ اولدیریلگن لیگی و 7 کیشی نینگ ایسه یره لنگن لیگی نی معلوم قیلدی.
حاضرچه اوشبو حادثه بیلن علاقه لی طالبان گروهی تامانیدن ایسه هیچ قنده ی بیر بیانات بیریلگن ایمس.
