کابلده انفجار عاقبتیده یوزلب کیشی اولیب یره لندی

افغانستان نینگ پایتختی کابلده توناون کونی کیچه اویوشتیریلگن ترورچیلیک هجومی عاقبتیده 16 کیشی اولدی و 119 کیشی یره لندی.

ایچکی ایشلر وزیری نصرت رحیمی، بیر موترگه اورنه تیلگن ماین نینگ مسکونی منطقه ده انفجار قیلگن لیگینی بو انفجار بیلن اطرافده گی انچه اوی – جای گه زیات ییتگن لیگینی بیلدیردی.

توناون کونی کیچه محلی وقت بیلن ساعت 09:45 ده یوز بیرگن بو هجوم قابل بای منطقه سیده جایلشگن گرین ولیج کمپی نینگ دیواریده یوز بیرگن.

رحیمی بو حادثه ده حیاتینی یوقه تگنلرنینگ سانی نینگ 16 یره لی لرنینگ 119 ایکن لیگینی معلوم قیلدی.

اولگن و یره لی لرنینگ کوپراغی نینگ تینچ اهالیدن عبارت ایکن لیگی قید ایتیلدی.

اونینگ ایتیشیچه، خوفسیزلیک کوچلری گرین ولیج ایشلاوچیلریگه هجوم اویوشتیرماقچی بولیب یشینگن 5 تروریست جنگریسینی تاثیرسیز وضعیت گه کیلتیرگن.

رحیمی گرین ولیج ده قریب 400 کیشی چیت ایل لیک مهمان نینگ موجود ایکن لیگینی بولرنی مصئون بیر جای گه انتقال بیرگن لیکلرینی ایتدی.

اوشبو هجوم نینگ مسؤلیتینی طالبان گروهی اوز بوینی گه آلگن.