افغانستان نینگ شمالیده طالبان گروهی تامانیدن پولیس قرارگاهی گه هجوم اویوشتیریلدی
5 کیشی خوفسیزلیک اعضاسی حیاتینی یوقاتدی
1198044
افغانستان نینگ شمالیده جایلشگن بلخ ولایتی خلم (تاشقرغان) تومنیده گی پولیس قرارگاهی گه ترور تشکیلاتی طالبان گروهی تامانیدن اویوشتیریلگن هجوم عاقبتیده 5 کیشی خوفسیزلیک اعضاسی حیاتینی یوقاتدی.
بلخ امنیه قوندانلیگی سوزچیسی عادلشاه عادل، مطبوعات گه بیرگن بیاناتده، طالبان اعضالری تامانیدن خلم ده گی پولیس قرارگاهی گه هجوم اویوشتیریلگن لیگینی آرتیدن توقنه شوو یوز بیرگن لیگینی بیلدیردی.
خوددی شو توقنه شووده 5 کیشی خوفسیزلیک اعضاسی نینگ اولگن لیگینی معلوم قیلیب، 6 کیشی خوفسیزلیک اعضاسی نینگ ایسه یره لنگن لیگینی افاده ایتدی.
عادل اوشبو توقنه شووده طالبان گروهیدن هم تلفات یوز بیرگن لیگینی قید ایتدی.
طالبان گروهیدن حلی گچه بیانات بیریلمه گن.
