افغانستانده اونلب طالب و داعش جنگری سی اولدیریلدی

افغانستان نینگ شرقیده جایلشگن ننگرهار ولایتی نینگ خوگیانی تومنیده ائتلاف کوچلری تامانیدن اویوشتیریلگن هوایی عملیات نتیجه سیده ایککی نفر داعش ترورچی سی هلاک بولگن. 

کنر ولایتی نینگ دره پیچ تومنیده هم ائتلاف کوچلری تامانیدن اویوشتیریلگن هوایی عملیات نتیجه سیده 3 طالب جنگری سی جان بیرگن. 

افغانستان خوفسیزلیک کوچلری هلمند ولایتی موسی قلعه تومنیده طالبان گروهی گه قره ته عملیات اویوشتیردی. 

اوشبو عملیات نتیجه سیده 11 نفر طالب جنگری سی نینگ جان بیرگن لیگی بیلدیریلدی. 

عینی دمده ائتلاف کوچلری نینگ ارزگان ولایتی ترینکوت تومنیده اویوشتیرگن عملیاتی نتیجه سیده 14 نفر طالب جنگری سی نینگ هلاک بولگن لیگی معلوم قیلیندی. 

بیراق, اوشبو خصوصده ترور تشکیلاتی داعش و طالبان گروهی تامانیدن ایسه هیچ قنده ی بیر بیانات بیریلگن ایمس.