خلیلزاد: سیلاو گچه طالبان گروهی بیلن تینچ لیک توغریسیده کیلیشووگه قول قوییلیشینی امید قیله من

امریکا قوشمه ایالتلری نینگ افغانستان بوییچه خاص نماینده سی زلمی خلیلزاد، افغانستانده میلادی 2019 – ییلی 20 اپریلده اوتکزیله دیگن سیلاو گچه طالبان گروهی بیلن تینچ لیک توغریسیده کیلیشووگه قول قوییلیشی نینگ امید قیلگن لیگینی افاده ایتدی.

خلیلزاد تینچ لیک اوچره شوولری چوکاتیده قطرده طالبان گروهی بیلن آلیب بارگن 3 کونلیک جلسه نینگ آرتیدن افغانستان پایتختی کابلده مطبوعاتی کنفرانس اویوشتیردی.

افغانستانده میلادی 2019 – ییلی 20 اپریلده اوتکزیله دیگن سیلاو گچه طالبان گروهی بیلن تینچ لیک توغریسیده کیلیشووگه قول قوییلیشینی امید قیله میز. تیگیشلی برچه تامانلر و افغانستانلیک گروپلر بیلن اوچره شماقده من. کیلیشوو و تینچ لیک اوچون بیر فرصت موجود ایکن لیگینی اویله یمن دیب، افغانستان حکومتی نینگ تینچ لیک خواهله گن لیگینی اورغوله دی.

خلیلزاد؛

"طالبان گروهی هم اوروش بیلن موفق بولمس لیگینی بیله دی. طالبان هم مسئله لرگه سیاسی و صلحانه ییچیم تاپیلیشینی خواهله یدی" دیب ایتدی.

ایسکی جمهور باشلیغی حامد کرزی دوریده افغانستان اداره سی بیلن طالبان گروهی اورته سیده اوچره شوولرنینگ قطرنینگ پایتختی دوهه ده میلادی 2013 – ییلی جون آییده بولیب اوتیشی ریجه لنماقده ایدی. بیراق طالبان گروهی دفتریده "افغانستان اسلامی امیرلیگی" نشانی و بیراغینی آسیشی بیلن افغانستان حکومتی مذاکره دن وازکیچگن ایدی.

مذکور دفتر قیسقه بیر مدت کیین یاپیلگن حالده مذاکره لر توخته تیلگن ایدی.