امریکا آزاد ایتگن طالبان گروهی نینگ اداره چیلری تینچ لیک مذاکره لری اوچون فعالیت گه باشله دی

امریکا قوشمه ایالتلری تامانیدن 2014 – ییلی آزاد ایتیلگن طالبان گروهی نینگ یوقاری مرتبه لی اداره چیلری، تینچ لیک اوچره شوولریگه حصه قوشیش اوچون طالبان نینگ قطرده گی دفتریده فعالیت گه باشله دی.

طالبان گروهی سوزچیسی ذبیح الله مجاهد، 2014 – ییلی طالبان گروهی نینگ قولیده اسیر توشگن امریکالیک عسکر Bowe Berdahl گه قرشی آزاد ایتیلگن یوقاری مرتبه لی 5 کیشی طالبان اداره چیسی نینگ افغانستانده تینچ لیک نینگ اورنه تیلیشی اوچون امریکا قوشمه ایالتلری بیلن مستقیم مذاکره گه باشلش اوچون قطرده جایلشگن طالبان گروهی نینگ دفتریده فعالیت قیلیب باشله گن لیگینی بیلدیردی.

مجاهد، تینچ لیک اوچره شوولری نینگ اولاً امریکا قوشمه ایالتلری بیلن بولیب اوتیشینی ادعا ایتدی.

ویسا روزنامه سی، طالبان نینگ 5 کیشی اداره چیسی نینگ بو گروه نینگ رهبری ملا هیبت الله آخنزاده نینگ امری بیلن افغانستان حکومتی بیلن طالبان اورته سیده گی تینچ لیک اوچره شوولریده اورین آلیشیدن خبر بیردی.

طالبان گروهی نینگ جیش المسلمین گروهی ایسکی رهبری سید اکبر آغا، بو اداره چیلرنینگ مذاکره اوچون فعالیت باشله تگن لیگی نینگ تینچلیکنی اورنه تیش اوچون جوده مهم آدیم ایکن لیگینی قید ایتدی.

آغا، مذاکره لرگه اورین آلگن طالبان اداره چیلری نینگ ملا فضل، خبر الله خیرخواه، عبدالحق واثق، ملا نورالله نوری و محمد نبیب عمری ایکن لیگینی افاده قیلدی. عین دمده بو اداره چیلرنینگ مذاکره اوچون فعالیت باشله تگن لیگی نینگ تینچلیکنی اورنه تیش اوچون کتته امید ایکن لیگینی قید ایتدی.

 افغانستان عالی صلح کینگشی اعضاسی محمد امین وقاد، طالبان گروهی بیلن افغانستان حکومتی اورته سیده تینچ اوچره شوولری نینگ باشله ییشی اوچون امریکا قوشمه ایالتلری نینگ قاطع لیگینی اورغوله دی.

طالبان بیلن اوچره شوولرنینگ باشله ییشی اوچون کتته قدملر تشلنگن لیگینی تیلگه آلگن وقاد، جریاندن امیدلی ایکن لیکلرینی بیلدیردی. افغانستان دولت باشلیغی اشرف غنی باشقروویده گی حکومتی اوچون کتته خوفسیزلیک تهدیدی بولیب تورگن طالبان گروهی هنوز هم مملکت نینگ انچه جایینی اوز قولی گه توتیب تورگن.

بعضی بیر منطقه لر جدی خوفسیزلیک معمالری گه دوچ قالگن.