ننگرهارده خوفسیزلیک کوچلری اویوشتیرگن عملیات عاقبتیده کوپلب تینچ اهالی نینگ اولگن لیگی ایتیلماقده
17 کیشی تینچ اهالی نینگ اولگن لیگی ادعا ایتیلماقده.
1075356
افغانستان نینگ شرقیده جایلشگن ننگرهار ولایتیده، أفغانستان خوفسیزلیک کوچلری اویوشتیرگن عملیاتده 17 کیشی تینچ اهالی نینگ اولگن لیگی ادعا ایتیلماقده.
ننگرهار والی لیگی سوزچیسی عطاولله خوگیانی، خوفسیزلیک کوچلری نینگ ننگرهارنینگ رودات تومنیده ترور تشکیلاتلریگه قره ته عملیات اویوشتیریلگن لیگینی ایتدی.
مذکور عملیاتده تینچ اهالی گه قره ته ینگلیش لیک بیلن فیر قیلنگن لیگینی معلوم قیلیب، تلفات نینگ سانی بیلن تیگیشلی حلی گچه انیق معلومات گه ایگه ایمس ایکن لیکلرینی بیلدیردی.
منطقه اهالی لریدن اعطا خان سینواری ایسه، ژورنالیستلرگه بیرگن بیاناتیده خوفسیزلیک کوچلری نینگ تینچ اهالینی هدف قرار بیرگن لیگینی و خوددی شو هجومده 17 کیشی نینگ اولگن لیگینی ادعا ایتدی.
شینواری اولگنلر ایچیده خاتین – قیز و باله لرنینگ هم موجود ایکن لیگینی ایتدی.
