افغانستان حکومتی، 26 ییل کیین مملکت هوا ساحه سی کنترولینی اوز قولی گه آلدی

جمهور رئیس لیک سوزچیسی شاه حسین مرتضوی، تقریباً 26 ییلدن بیری افغانستان هوا ساحه سی نینگ کنترولی خارجی اولکه لرنینگ قولیده ایکن لیگینی بیلدیردی.

کابل خلق ارا قونلغه سیده ینگی رادار تیزیمی نینگ قوریلیشی بیلن هوا ساحه سی کنترولی نینگ بوتونله ی افغانستان حکومتی نینگ قولیگه اوتگن لیگینی افاده ایتگن مرتضوی، بو تیزیم سایه سیده افغانستان هوا ساحه سی نینگ کنترول ایتیله جگینی ایتدی.

افغانستان ملکی هواچیلیک اداره سی باشلیغی محمد شاه حبیبی، افغانستان هوا ساحه سی نینگ ایندی امنیتلی بوله جگینی قید ایتدی.

حبیبی ینگی قوریلگن هوا تیزیمی نینگ خرجتی نینگ 30 میلیون دالر ایکن لیگینی معلوم قیلیب، رادارنینگ تخنیکی ترمیم و کنترولی اوچون هم هر ییلی 10 میلیون دالر مصرف قیلینیشی کیره ک دیب ایتدی.

سویتلر بیرلیگی تامانیدن قوریلگن کابل قونلغه سیده گی ایسکی رادار تیزیمی 1990 – ییللریده گی ایچکی اوروش جریانیده تخریب بولیب کیتگن ایدی.

طالبان تیزیمی نینگ 2001 – ییلی اورته دن کیتیشی بیلن مملکت نینگ هوا ساحه سی نینگ کنترولی خارجیلر تامانیدن آلیب باریلماقده ایدی. بیراق 2014 – ییلی افغانستان اداره سیگه تسلیم ایتیلیشی نینگ آرتیدن خصوصی بیر شرکت گه تسلیم بیریلگن ایدی.