افغانستان نینگ شمالیده جایلشگن ولایتلرده مظاهره لر دوام ایتماقده

افغانستان دولت باشلیغی بیرینچی اورینباسری و جنبش ملی اسلامی حزبی رهبری جنرال عبدالرشید دوستم نینگ نماینده سی قومندان نظام الدین قیصاری نینگ دولت کوچلری تامانیدن قولگه آلینیشی، مملکت شمالیده جایشلگن، فاریاب، بلخ، جوزجان و سرپل ولایتلریده مینگ لب کیشی تامانیدن محکوم ایتیلدی.

فاریاب ولایتی نینگ مرکزی میمنه شهریده ییغیلگن تینچ اهالی "قیصاری گه ایرکین لیک" "عدالت خواهله یمیز" دیگن شعارلر بیریب مظاهره قیلدیلر.

اداره چیلر، امنیت کوچلری مظاهره چیلرگه فیر قیلیشی نتیجه سیده بیر کیشی مظاهره چی اولیب 7 کیشی نینگ یره لنگن لیگینی بیلدیردیلر.

بو حادثه نینگ آرتیدن مظاهره چیلر، والی لیک بناسی گه کیریش گه حرکت قیلگن لیکلری معلوم قیلیندی.

میمنه شفاخانه سی اداره چیلری ایسه 10 کیشی نینگ یره لنگن لیگینی بیلدیردیلر.

بلخ ولایتی مرکزی مزارشریفده ییغیلگن یوزلب کیشی "قیصاری آزاد ایتیلسین" دیگن شعارلر بیلن مخابرات تورت یولی گچه مظاهره قیلیب باردیلر.

جنرال دوستم نینگ سوزچیلریدن عنایت الله بابر فرهمند، بو جایده بیرگن بیاناتیده، قیصاری نینگ قولگه آلینیشی جریانیده تیاغ آتیلگن لیگی و ساغلیک وضعیتی نینگ یخشی ایمس ایکن لیگینی بیلدیردی.