اشرف غنی آتش کیس مدتینی اوزه یتیردی
بیر تامانلمه آتش کیس اوزه یتیریش قراری آلدی
![اشرف غنی آتش کیس مدتینی اوزه یتیردی](http://cdn.trt.net.tr/images/xlarge/rectangle/061e/0b5a/b8a1/57a993e19df5a.jpg?time=1719148538)
افغانستان چمهور باشلیغی اشرف غنی حکومت و طالبان حرکتی اورتهسیدهگی آتش کیس نینگ اوزهیتیریلیشینی معلوم قیلدی.
اشرف غنی ملي دولت رادیو تلویزیون کانالیدهگی مصاحبه سیده، طالبان بیلن آتش کیس مدتی قچانگچه اوزهیتیریلیشی حقیده معلومات بیرمهدی، بیراق طالباندن ایجابي جواب کوتهیاتگنلیگینی و مقصد تینچلیک اورنهتیش ایکنلیگینی معلوم قیلدی.
بو جریانگه حرمت معناسیده طالبانگه اعضا 46 محبوس آزاد ایتیلگنلیگینی تأکیدلهگن مملکت چمهور باشلیغی، اگر طالبان بونگه ایجابي مناسبتده بولهدیگن بولسه، قماقده جزا مدتینی اوتهیاتگن باشقه طالبان اعضالری هم آزاد ایتیلیشینی معلوم قیلدی.
اونینگ فکریچه، آتش کیس قراری ایکّی تامان نینگ هم تینچلیک اوچون همفکر بولگنلیگینی کورسهتهدی. افغانستان خلقی تینچلیکنی خواهلهیدی.
طالبان حرکتی حاضرچه جمهور باشلیغی نینگ چیقیشیگه نسبتاً بیران مناسبت بیلدیرمهدی.
اوّلراق، افغانستان جمهور باشلیغی اشرف غنی رمضان آیی توگهشی و رمضان هییتی مناسبتی بیلن 20 جونگچه طالبان بیلن بیر تمانلمه آتش کیس کیریتیلیشینی اعلان قیلگندی. او 12 جوندن-19 جونگچه اوت آچیش توختهتیلیشینی معلوم قیلگندی.
کیینراق، طالبان هم رمضان هییت بیرهمی مناسبتی بیلن 3 کونگه اوت آچیشنی توختهتیش قراری آلگنلیگینی اعلان قیلگن ایدی.
طالبان حرکتی 2001 ییلدهگی امریکا قوشمه ایالتلری اشغالیدن کیین بیرینچی مرته اوت آچیشنی توختهتدی