افغانستان دولتی طالبان بیلن مصالحه قیلدی
اوشبو مطلب نی افغانستان جمهوررئیسی محمد اشرف غنی بیلدیردی
افغانستان جمهوررئیسی محمد اشرف غنی دینی عالم لر فتواسی دایره سیده طالبان گه قرشی مصالحه اعلان قیلدی.
اشرف غنی بیرگن بیاناتلریده, رمضان آیی نینگ 27 نچی کونیدن باشلب بیرم نینگ تورتینچی کونی گه قدر طالبان گه قرشی مصالحه اعلان قیلگن لیک لری نی بیلدیردی.
عینی دمده محمد اشرف غنی, دوشنبه کونی یوزلب دینی عالم نینگ اشتراکی بیلن بولیب اوتگن کتته بیر ییغیلیش آرتیدن بیریلگن فتواده انتحاری هجوم نینگ اسلام گه ضد ایکن لیگی و اوشبو عمل نینگ ممنوع قیلینگن لیگی نینگ بیلدیریلگن لیگی نی معلوم قیلدی.
اشرف غنی مصالحه نینگ دوام ایتیاتگن کونلرده افغانستان خوفسیزلیک کوچلری نینگ فقط گینه طالبان حمله لریگه جواب قیتره دیگن لیگی و داعش کبی باشقه ترور تشکیلات لری گه قرشی ایسه کوره شی نینگ دوام ایته دیگن لیگی نی بیلدیردی.
بوندن تشقری جمهوررئیسی اشرف غنی, اوشبو مصالحه نینگ طالبان اوچون یخشی بیر فرصت دن عبارت ایکن لیگی نی معلوم قیلدی.
حاضرچه اوشبو مصالحه خصوصیده طالبان تامانیدن ایسه هیچ قنده ی بیر بیانات بیریلگن ایمس.
