عطا محمد نور نینگ استعفاسی منظور بولدی

افغانستان جمهوررئیس لیگی (ارگ) مسئول لری, افغانستان جمهوررئیسی محمد اشرف غنی نینگ بلخ ولایتی والی سی عطا محمد نور نینگ استعفاسی نی منظور قیلگن لیگی نی بیلدیررایکن, شونده ی قیلیب اونینگ اورنیگه باشقه بیر کیشی نینگ بلخ والی سی صفتیده معرفی بولگن لیگی نی معلوم قیلدی. 

ارگ سوزلاوچی سرپرستی شاه حسین مرتضوی, نور نینگ بیر مدت آلدین استعفاسی نی تقدیم ایتگن لیگی نی بیلدیردی. 

مرتضوی, عطا محمد نور نینگ اورنیگه انجنیر محمد داوود نینگ بلخ والیسی اوله راق معرفی ایتیلگن لیگی نی معلوم قیلدی.

جمعیت اسلامی حزبی, نور نینگ جمهوررئیسی غنی و اجرایی رئیسی عبدالله داخل هیچ بیر کیشی تامانیدن برکنار قیلینیشی نینگ ممکن ایمس لیگی نی بیلدیرگن ایدی. 

احمد ضیا مسعود جمعیت اسلامی حزبی نینگ اورینباسری اوتگن کونی بلخ والی سی نینگ جمهوررئیسی غنی تامانیدن برکنار قیلینیشی تقدیرده, سیاسی وضعیت نینگ جوده یمان بولیب قاله دیگن لیگی نی معلوم قیلگن ایدی.