جوزجان ولایتیده طالبان نینگ ایککی مهم قوماندانی جان بیردی

افغانستان نینگ شمالیده جایلشگن جوزجان ولایتی امنیتی مقام لری تامانیدن بیریلگن بیاناتده, خودی منه شوو ولایت ده طالبان نینگ سوزده (به اصطلاح) خماب اولسوالی و امنیه قوماندانی نینگ جان بیرگن لیگی بیلدیریلدی. 

جوزجان ولایتی امنیه قوماندانی فقیر محمد جوزجانی, طالبان نینگ سوزده خماب اولسوالی و امنیه قوماندانی ملا مجید بیلن ملا عبدالله نینگ ماین تیارلیتگن پیتده خودی منه شوو ماین نینگ پارتلب کیتیشی عاقبتیده بیش نفر همکاری بیلن بیرگه هلاکت گه اوچره گن لیگی نی معلوم قیلدی. 

جوزجانی, اوشبو کیشی لرنینگ بز اریغ منطقه سیده جان بیرگن لیک لری نی معلوم قیلرایکن, اوشبو حادثه نینگ منطقه ده امنیت نینگ تامین ایتیلیشی گه حصه قوشه دیگن لیگی نی بیلدیردی. 

بیراق اوشبو خصوصده طالبان تامانیدن ایسه هیچ قنده ی بیر بیانات بیریلگن ایمس.