پایتخت کابلده مسجد ملا امامی بیلن موذنی بمب جایلَشتیریَتگن پَیتده اوشلَندی
اوشبو مطلب نی افغانستان ایچکی ایش لر وزیرلیگی مسئول لری بیلدیردی
افغانستان ایچکی ایش لر وزیرلیگی مسئول لری, افغانستان پایتختی کابلده بیر مسجد نینگ ملا امامی و موذنی نینگ بمب جایلشتیریتگن پیتلریده اوشلنگن لیک لری نی معلوم قیلدی.
جنائی جرم لر گه قرشی کوره ش بولیمی نینگ مسئول لری تامانیدن بیریلگن بیانات گه کوره, خودی منه شوو کیشی لر کابل شهری نینگ 10 نچی ناحیه سیده بیر اوی گه بمب جایلشتیرگن.
رسمی لر, اوشلنگن اوشبو کیشی لرنینگ خودی منه شوو بمب نی مذکور اوی نینگ گراجی گه جایلشتیرگن لیک لری نی معلوم قیلدی.
عینی دمده رسمی لر, اوشبو کیشی لر خصوصیده گی عدلی تحقیقات نینگ دوام ایتیتگن لیگی نی بیلدیررایکن, خودی منه شوو کیشی لرنینگ قیسی گروه گه باغلیق ایکن لیک لری نینگ حاضرچه انیق لشمه گن لیگی نی ایسله تیب اوتدی.
بیراق, طالبان داخل افغانستان دولتی نینگ مخالف لری تامانیدن اوشبو خصوصده هیچ قنده ی بیر بیانات بیریلمه دی.
