جنرال دوستم جوده یقین بیر کیله جکده افغانستان گه تشریف بویوره دی
اوشبو مطلب نی جنرال دوستم نینگ دفتر رئیسی عنایت الله بابر فرهمند بیلدیردی
افغانستان جمهوررئیسی نینگ بیرینچی اورینباسری سترجنرال عبدالرشید دوستم نینگ دفتر رئیسی عنایت الله بابر فرهمند, دوستم نینگ افغانستان نینگ شمالیده گی ینگی لیک لرنینگ بیر توطئه دن عبارت ایکن لیگی نی بیلدیرگن لیگی نی معلوم قیلدی.
فرهمند, فیسبوک آرقه لی بیرگن بیاناتلریده, جنرال دوستم نینگ جوزجان ولایتی اهالی سی بیلن تیلیفون آرقه لی قیلگن صحبتی جریانیده, "عطا محمد نور و افغانستان نینگ نجاتی اوچون ائتلاف عالی کینگشی نینگ باشقه رهبر لری گه قرشی توطئه نینگ قبول قیلینیشی ممکن ایمس" دییه قید ایتگن لیگی نی ایسله تیب اوتدی.
عینی دمده فرهمند, جنرال دوستم نینگ جوده یقین بیر کیله جکده افغانستان گه تشریف بویوریب باشقه رهبر لر بیلن بیرگه اوشبو ائتلاف نینگ موجودیتی نی اعلام قیله دیگن لیگی نی معلوم قیلدی.
جنرال دوستم نینگ اوشبو سوز لری نینگ مزار شریف قونلغه سیده بلخ ولایتی کینگشی نینگ اعضاسی آصف مهمند نینگ اوشله نیشی آرتیدن مطرح ایتیلگن لیگی کورینماقده.
بلخ ولایتی امنیه قوماندانی مهمند نینگ بلخ والی سی عطا محمد نور نینگ آدم لری تامانیدن اوشلنگن لیگی نی بیلدیررایکن, نور نینگ سوزلاوچی سی منیر فرهاد ایسه, اوشبو کیشی نینگ جعل کارلیک بیلن عیبلنگن لیگی سببلی سرحدی پولیسی تامانیدن اوشلنگن لیگی نی معلوم قیلدی.
باشقه بیر تاماندن ایسه نور, امنیت مشاوری حنیف اتمر و ملی امنیت رئیسی معصوم استانکزی گه فیسبوک آرقه لی یازگن مکتوبیده, "بلخ ولایتیده گی نسبی امنیت نی بوزیب قویمنگیزلر" دییه قید ایتگن ایدی.
