جنرال دوستم افغانستان حکومتی نی قتتیق تنقید قیلدی
سرپل ولایتیده جنگری لرنینگ اونلب کیشی نی قیرغین قیلگن لیگی توغری سیده گی خبر لر نینگ ترقه لیشی آرتیدن اوشبو تنقید بحث موضوعی بولدی
افغانستان جمهوررئیسی نینگ بیرینچی اورینباسری سترجنرال عبدالرشید دوستم, سرپل ولایتیده انسان لرنینگ جنگری لر تامانیدن قیرغین قیلینیشی آرتیدن افغانستان حکومتی و خوف سیزلیک کوچ لری نی قتتیق تنقید قیلدی.
سرپل ولایتی مسئول لری دولت مخالف لری جنگری لرنینگ اوشبو ولایتده بیر اولسواللیک نینگ مهم بیر منطقه سی نی قول گه کریتیشی آرتیدن 40 کیشی نی قیرغین قیلگن لیک لری نی بیلدیردی.
جنرال دوستم, صیاد منطقه سیده گی اوشبو حادثه دن اوچ کون اوتگن لیگی گه قره مسدن, حکومت و خوف سیزلیک کوچ لری نینگ هیچ قنده ی بیر اقدام قیلمه گن لیگی نی قتتیق بیر شکلده تنقید قیلدی.
عینی دمده جنرال دوستم, حکومت نینگ کیره ک لیک تدبیر لر نی آلمس لیگی تقدیرده, خودی منه شوو جنگری لرنینگ ینه ده کوپراق عادی اهالی نی اولدیریش لری نینگ ممکن ایکن لیگی نی بیلدیردی.
بیراق, اوشبو موضوع بوییچه افغانستان دولتی قوراللی مخالف لری تامانیدن هیچ قنده ی بیر بیانات بیریلگن ایمس.
سرپل نینگ ایریم جای لریده طالبان و داعش نینگ فعال ایکن لیگی گه قره مسدن, خودی منه شوو قیرغین لرنینگ قیسی گروه تامانیدن قیلینگن لیگی نینگ ایسه انیق ایمس لیگی بیلدیریلدی.
