هراتده گی تروریستیک هجوم نینگ مسئولیتی نی داعش اوز بوینی گه آلدی

اوتگن کونی کیچکی پیتده افغانستان نینگ غربیده جایلشگن هرات ولایتیده شیعه لرنینگ جوادیه مسجدی گه قره ته اویوشتیریلگن تروریستیک هجوم نینگ مسئولیتی نی ترور تشکیلاتی داعش اوز بوینی گه آلدی. 

داعش توناوون کیچقرون بیرگن بیاناتیده, خودی منه شوو حمله نینگ ایککی نفر انتحاری هجومچی تامانیدن قیلینگن لیگی نی بیلدیررایکن, اوشبو حادثه عاقبتیده 50 کیشی نینگ جان بیرگن لیگی و 80 نفر نینگ ایسه یره لنگن لیگی نی معلوم قیلدی.

بیراق, بیریلگن رسمی معلومات لرده, خودی منه شوو حادثه عاقبتیده 29 کیشی نینگ جان بیرگن لیگی و 64 نفر نینگ ایسه یره لنگن لیک لری بیلدیریلگن ایدی.

ترور تشکیلاتی, اوشبو حمله نینگ قول بمب لری, قورال لر و انتحاری واسکت لردن فایده له نیلیب قیلینگن لیگی نی بیلدیردی.

افغانستان جمهوررئیسی محمد اشرف غنی اوشبو تروریستیک هجوم نی قتتیق بیر شکلده قاره لب چیقدی. 

ترکیه جمهوریتی هم اوشبو حادثه نی قاره لرایکن, اوزبیکستان جمهوررئیسی شوکت میرضیایف ایسه, خودی منه شوو حادثه سببلی جمهوررئیسی محمد اشرف غنی گه همدردلیک بیلدیردی.