قندهار ده طالبان نینگ حمله سی عاقبتیده اونلب افغان عسکری جان بیردی

طالبان جنگری لری, افغانستان نینگ قندهار ولایتی خاکریز اولسواللیگیده آغیر قوراللر بیلن حربی بیر مرکز گه قره ته هجوم اویوشتیردی. 

خودی منه شوو حادثه عاقبتیده 33 افغان عسکری نینگ جان بیرگن لیگی بیلدیریلدی. 

اسمی نینگ ذکر ایتیلمس لیگی نی طلب ایتگن قندهار ده گی امنیتی مسئول لردن بیری, ترکیه نینگ انادولو آژانسی بیلن قیلگن مصاحبه سیده اوشبو حادثه عاقبتیده 33 افغان عسکری نینگ جان بیرگن لیگی نی بیلدیردی.

حادثه عاقبتیده 4 حربی نینگ هم یره لنگن لیگی نی بیلدیرگن اوشبو مسئول کیشی, 20 دن آرتیغراق عسکر نینگ ایسه یوقالیب کیتگن لیک لری نی معلوم قیلدی. 

اوشبو حادثه نی تائید ایتگن مدافعه وزیرلیگی ایسه حادثه عاقبتیده 26 عسکر نینگ جان بیرگن لیگی و 30 حربی نینگ یره لنگن لیک لری نی بیلدیردی. 

طالبان تامانیدن بیریلگن بیاناتده ایسه خودی منه شوو هجوم عاقبتیده 74 حربی نینگ جان بیرگن لیگی و 6 عسکر نینگ اسیر آلینگن لیگی ادعا ایتیلدی.