"کوهستان اولسواللیگی نینگ قیتریب آلینیشی اوچون عملیات باشله تیله دی"

فاریاب ولایتی محللی مسئول لری بوگون (سه شنبه) بیرگن بیانات لریده, کوهستان اولسواللیگیده افغان خوف سیزلیک کوچ لری تامانیدن اویوشتیریلگن هوائی نتیجه سیده 28 نفر طالبان جنگری سی نینگ جان بیرگن لیگی نی بیلدیردی.

عینی دمده اوشبو حادثه عاقبتیده 6 نفر جنگری نینگ ایسه یره لنگن لیگی قید ایتیلدی. 

خودی منه شوو هوائی عملیات نینگ کوهستان اولسواللیگی نینگ طالبان نینگ کنترولی گه اوتیشی آرتیدن اویوشتیریلگن لیگی کورینماقده.

افغانستان نینگ شمالیده گی 209 نچی شاهین قول اردوسی نینگ سوزلاوچیسی نصرت الله جمشیدی, "خودی منه شوو جان بیرگن طالبان جنگری لری آره سیده 7 نفر محللی طالب قوماندانی هم موجود" دییه قید ایتدی. 

جمشیدی اوز سوز لری نی, "زود لیک بیلن اوشبو اولسواللیک نینگ قیتریب آلینیشی اوچون عملیات باشله تیله دی" شکلیده دوام ایتتیردی. 

بیراق, جمشیدی اوشبو عملیات نینگ جزئیاتی حقیده انیق بیر معلومات بیرمه دی. 

کوهستان اولسواللیگی یکشنبه کونی خوف سیزلیک کوچ لری بیلن طالبان آره سیده گی ققشتگیچ اوروش لر آرتیدن طالبان نینگ کنترولی گه اوتدی.