کابلده قتتیق بیر انفجار عاقبتیده اونلب کیشی جان بیردی
خودی منه شوو انفجار حادثه سی کابل نینگ 3 نچی ناحیه سیده یوز بیردی
776012
بوگون (دوشنبه) ایرته لب افغانستان وقتی بیلن ساعت 7 ده کابل نینگ غربیده جایلشگن 3 نچی ناحیه ده قتتیق بیر انفجار حادثه سی یوز بیردی.
امنیتی مسئول لر, اوشبو حادثه عاقبتیده کمیده 24 کیشی نینگ جان بیرگن لیگی و کوپلب کیشی نینگ ایسه یره لنگن لیک لری نی بیلدیردی.
خودی منه شوو انفجار نینگ انتحاری بیر حمله دن عبارت ایکن لیگی بیلدیریلماقده.
ایچکی ایش لر وزیرلیگی سوزلاوچی سی نجیب الله دانش خودی منه شوو حادثه عاقبتیده کمیده 24 کیشی نینگ جان بیرگن لیگی و 24 نفر نینگ ایسه یره لنگن لیک لری نی معلوم قیلدی.
عینی دمده دانش, اوشبو انفجار حادثه سی نینگ منفجره مواد یوکلنگن بیر عراده موتر دن فایده له نیلیب اویوشتیریلگن انتحاری بیر هجوم دن عبارت ایکن لیگی نی ایسله تیب اوتدی.
