افغانستان نینگ شمالیده طالبان نینگ مهم قوماندانی اولدیریلدی
خودی منه شوو طالب قوماندانی نینگ اویوشتیریلگن هوائی عملیات نتیجه سیده اولدیریلگن لیگی بیلدیریلدی
776181
افغانستان نینگ شمالیده جایلشگن قندوز ولایتیده اویوشتیریلگن هوائی و زمینی عملیات نتیجه سیده طالبان نینگ مهم قوماندان لریدن بیری اولدیریلدی.
امنیتی مسئول لر مولوی شهید الله نامیده گی اوشبو طالب قوماندانی نینگ شنبه کیچه اویوشتیریلگن بیر عملیات نتیجه سیده اولدیریلگن لیگی نی معلوم قیلدی.
خودی منه شوو عملیات نینگ قندوز ولایتی نینگ قلعه زال و خان آباد اولسوال لیک لریده اویوشتیریلگن لیگی قید ایتیلدی.
مولوی شهید الله نینگ قندوز ولایتیده گی کوپلب حمله لر بوییچه کتته رول اوینه گن لیگی بیلدیریلماقده.
عینی دمده مولوی شهید الله بیلن بیرگه ینه 17 نفر طالبان جنگری سی نینگ اوشبو عملیات نتیجه سیده جان بیرگن لیگی قید ایتیلدی.
طالبان گروهی تامانیدن ایسه حاضرچه اوشبو خصوصده هیچ قنده ی بیر بیانات بیریلگن ایمس.
