کابلده یوقاری مرتبه لی پولیس مسئولی جان بیردی

کابلده انفجار عاقبتیده یوقاری مرتبه لی بیر پولیس مسئولی جان بیردی. 

اوشبو حادثه توناوون توشدن کیین کابل شهری نینگ 17 نچی ناحیه سیده یوز بیردی. 

توناوون (دوشنبه) توشدن کیین کابلده یوز بیرگن انفجار حادثه سی عاقبتیده یوقاری مرتبه لی بیر افغان پولیس مسئولی جان بیردی. 

کابل نینگ 17 نچی ناحیه سیده یوز بیرگن اوشبو حادثه عاقبتیده پروان ولایتی جنائی جرم لر گه قرشی کوره ش بولیمی نینگ باشلیغی حیات دن کوز یومدی. 

پروان ولایتی امنیه قوماندانی محمد زلمی مموزی, پروان ولایتی جنائی جرم لر گه قرشی کوره ش بولیمی نینگ باشلیغی عبدالصمد زلمی نینگ خودی منه شوو انفجار حادثه سی عاقبتیده جان بیرگن لیگی نی بیلدیردی.

مموزی, زلمی نینگ, موتری گه جایلشتیریلگن مقناطیسی بمب نینگ پارتلب کیتیشی عاقبتیده جان بیرگن لیگی نی بیلدیردی. 

طالبان داخل هیچ بیر گروه حاضرچه اوشبو حمله نینگ مسئولیتی نی اوز بوینی گه آلگن ایمس.