کابلده ینه قتتیق بیر انفجار نینگ آلدی آلیندی
انتحاری هجوم اوچون تیار وضعیتده بولگن حقانی شبکه سی گه باغلیق بیر کیشی اوشلندی
افغانستان پایتختی کابلده قتتیق بیر انتحاری هجوم اویوشتیریش اوچون تیارگرلیک اوتکزیتگن بیر کیشی خوف سیزلیک کوچلری تامانیدن اوشلندی.
افغانستان امنیتی کوچلری اوشبو کیشی نی انتحاری حمله سی نی قیلمسدن آلدین میدان وردک ولایتی نینگ مرکزیده اوشله دی.
پولیس مسئول لری, قاری احسان الله نامیده گی خودی منه شوو کیشی نینگ جلریز اولسواللیگیده اوشلنگن لیگی نی بیلدیردی.
احسان الله, حقانی شبکه سی نینگ قوماندان لریدن بیری بولگن مولوی عبدالرحمن تامانیدن اونگه کابل نینگ هر قنده ی بیر منطقه سیده انتحاری هجوم اویوشتیریش وظیفه سی نینگ تاپشیریلگن لیگی نی قبول قیلدی.
بیراق, افغانستان دولتی نینگ قوراللی مخالف لری تامانیدن اوشبو خصوصده هر قنده ی بیر بیانات بیریلمه دی.
اوتگن هفته اویوشتیریلگن تروریستیک هجوم لر عاقبتیده افغانستان پایتختی کابلده کمیده 150 کیشی جان بیررایکن, یوزلب نفر ایسه یره لنگن ایدی.
