جنرال دوستم ترکتبار کدر لرنینگ دولت چوکاتیدن چیقاریلیَتگن لیک لری نی بیلدیردی

افغانستان جمهوررئیسی نینگ بیرینچی اورینباسری سترجنرال عبدالرشید دوستم افغانستانده ترکتبار لرنینگ کدر لری نینگ سیستماتیک بیر شکلده دولت چوکاتیدن چیبقاریلیتگن لیک لری نی بیلدیردی.

جنرال دوستم اوشبو مطلب نی آیدین لیک جنبشی (جنبش روشنائی) عالی کینگشی نینگ ایریم اعضالری بیلن قیلگن صحبتی جریانیده اظهار قیلدی.

جنرال دوستم, افغانستان خلقی نینگ متحد بولیشی کیره ک ایکن لیگی نی بیلدیررایکن, افغانستانده کوپلب عدالت سیزلیک لرنینگ موجود ایکن لیگی نی ایسله تیب اوتدی. 

جمهوررئیسی نینگ بیرینچی اورینباسری, ترکتبار لرنینگ شفاف رای لری بیلن ملی بیرلیک حکومتی نینگ قوریلیشی گه سبب بولگن لیگی نی بیلدیررایکن, بیراق, حاضرگی کونده اوشبو ملت گه اهمیت بیریلمه گن لیگی دیک, دولت چوکاتیدن کدر لری نینگ هم برکنار قیلینیتگن لیک لری نی معلوم قیلدی. 

جنرال دوستم, حکومت نینگ ایچیده گی حاکم تامان لرنینگ عدالت و مشارکت نی نظرده توتمس لیک لری تقدیرده, اوشبو حرکت نینگ ملی بولمه گن بیر حرکت دن عبارت بوله دیگن لیگی نی بیلدیردی.