بشیر احمد ته ینچ: پارلمان نینگ وکیل لیگیم نی تعلیق قیلیشی قانونی ایمس

فاریاب ولایتی نینگ وکیلی بشیر احمد ته ینچ, پارلمان ریاستی گه یازگن و اوزی نینگ فیسبوکی آرقه لی نشر قیلگن مکتوبیده, وکیل لیگی نینگ تعلیق قیلینیشی نینگ قانونی ایمس لیگی نی بیلدیردی. 

پارلمان نینگ, بیر وکیل نینگ 20 کون لیک بیر مدت بیلن دواملی روشده جلسه لر گه اشتراک ایتمس لیگی گه تقدیرده, وکیل لیگی نینگ تعلیق قیلینه دیگن لیگی نی ایشیتگنده سفرده ایکن لیگی نی بیلدیرگن ته ینچ, دستیاری واسطه سی بیلن رقعه قویگن لیگی نی معلوم قیلدی. 

ته ینچ اوشبو مکتوبیده, رقعه نینگ مجلس نینگ منشی سی و پارلمان نینگ دارالانشاسی تامانیدن تائید ایتیلیب امضاله نیشی آرتیدن پارلمان ریاستی گه تاپشیریلگن لیگی نی معلوم قیلدی. 

عینی دمده ته ینچ خودی منه شوو سند نینگ کاپی سی نینگ قولیده موجود ایکن لیگی نی بیلدیررایکن, اوشبو کاغذ نی فیسبوکی آرقه لی هم ترقتدی. 

بوگون ایرته لب افغانستان پارلمانی عمومی کینگشیده آلینگن بیر قرار دایره سیده بشیر احمد ته ینچ و ینه اوچ نفر پارلمان اعضا لری نینگ وکیل لیگی تعلیق قیلینگن ایدی.